اولى مسابقات المنتدى(في منتدى المسابقات الجديد)

اهلا بيكو يا جماعه في اولى مسابقات المنتدى
بصوا بقى ركزوا معايا شويه عشان محدش يعمل حاجه غلط ونضطر نحرمه من الاشتراك في المسابقه
المسابقه هي عباره عن مجموعه من الاسئله...في كل حاجه -ثقافيه ..فوازير..اسئلة ذكاء..اسئلة في الكلية وكمان اسئلة في مواضيع المنتدى نفسها
هتجاوب الاسئلة دي .. وتبعت الاجابات في رساله خاصه عن طريق المنتدى لادارة المنتدى..admin..ومحدش يكتب الاجابات في رد عشان محدش ياخد اجابات اللى رد قبله
يعني يا جماعه ..اي رد يكون فيه اجابات للاسئله هيتحذف وممكن يحرم اللى عمله من اكمال المسابقه
يعني اللى يرد يكون بيستفسر عن حاجه او عنده اقتراح بس
جـــــــــــــوائز المسابقه
طبعا احنا مش هنقدر نعمل جوايز ماديه..بس هنعمل جوايز معنويه هتعجبكو ان شاء الله وهي كالتالي..
1- الفايز هيتكتب اسمه بشكل لطيف وخط كبير على الصفحه الرئيسيه للمنتدى تحت عنوان عضو الاسبوع
2- الفايز هياخد رتبه خاصه بيه اسمها العضو المميز هتبقى مكتوبه تحت اسمه في كل مشاركاته
3- الفايز هنشوفله توقيع جميل هو اللى يختار مواصفاته بنفسه او ممكن احنا نختارهوله (التوقيع يا جماعه بيبقى موجود تحت كل مشاركات العضو )
_______ _______ _________ _________ ________ ______-


ودلوقتي مع اسئلة المسابقه
1 – ما هو الحيوان الذي يوجد لحمه بالداخل وعظمه بالخارج؟
2 –ما هو العضو الذي يغلق عندما يعطس الانسان؟
3 –كم كليه تضم جامعة عين شمس؟
4 – كم شهر في السنه الميلاديه يحتوي على 28 يوم؟
5 – ما هو الحيوان المائي الذي له 3 قلوب؟
6- من رئيس قسم الكيميا في كليتنا دلوقتي؟
7 – ايه اكتر موضوع اتكتبله ردود في المنتدى(يذكر عنوان الموضوع فقط)؟
8 –ما هي اطول كلمه في القران؟
9 –صخره وقعت من فوق عماره ..ولوح الازاز اللى تحت العماره متكسرش ...ليه(من مواضيع المنتدى)؟
10 – ماذا كان اسم جامعة عين شمس عندما انشئت(الاسم القديم)؟
11-امرأه عقيم لاتنجب ..فهل تنجب ابنتها اطفالا ام تكون مثل امها؟
12 – ما هو اضعف البيوت على وجه الارض؟

يلا يا جماعه جاوبوا ومتنسوش محدش يكتب اجابات في الردود...كل واحد يجمع اجاباته ويبعتها في رساله خاصه عن طريق المنتدى للاداره(admin) ...الاجابات هتتقبل يا جماعه لغاية ما نقفل باب المسابقه(من 4 الى 5 ايام) ..بعدها هنكتب الاجابات الصح في الردود ونقول اسم الفايز
لو حد عنده اي استفسار يا جماعه او اى اقتراح يكتبه في الردود



[center]

انا بس عايزة اسال هو لازم نجاوب علي الاسئلة كلها ولا ايه بالضبط؟؟؟

يعني ..اللي تعرفيه ...بس اللى يجاوب اكتر ليه اولويه عن عن اللى جاوب اقل ...يعني محدش مجبر انه يجاوب كل الاسئله ..لان الافضليه بعدد الاجابات الصحيحه مش بعدد الاسئله المجابه.

ياعم دى اسئله سهله اوىىىىىىىىىىىىىىىىىىىىىىىىىىىىىىىىىىىىىىىىىىىىىىىى
انا عايز مستوى اعلي من كده

يا عم انا ماليش دماغ للمسابقات اما سابق نفسى الاول

يا مان مينفعش تكون غير فعال كده.... شارك معانا حتى لو مكنتش عارف.... انا عارف ان الرد ده اكبر دليل انك مش عارف اجابة معظم الاسئلة
بس برضو المفروض تحاول تشارك.... امال يا جماعه بنقول عليكو الناس اللى بادئه بالمنتدى واللى هتطلع بيه ازاى
ياريت يا اسلام تحاول تشارك معانا زي الاعضاء اللى شاركت

يا سيدى امرك امرك يا سيدى مقدرش اعتبك لانى عارفك تقدر تحط النحاس فى ايدى امرك يا سيدى (اكملك الاغنيه)

على فكره انا كنت بكلمك وعارف انك هتشارك.....بس بصراحه كنت متوقع انك تكون اول واحد يبعت اجابات ...بس مش مهم ..اهم حاجه تبعت يا مان

اوك

ابعت الاجابات ازاى لاداره المنتدى
يعنى ابعت لك الاجابات لك انت فى رساله خاصه ولا ايه
ارجو الإفاده

بالظبط ...الرساله الخاصه هتتبعت لل(admin)
وفي طرق كتير لبعتها طبعا ....اسهلها انك هتلاقي تحت اى مشاركه ليا في ازرار مكتوب عليها ..البيانات الشخصيه- رساله خاصه جديده
بتدوسي على رساله خاصه جديده هيفتح شباك كانك هتكتبي موضوع جديد بالظبط تكتبي الاجابات وتدوسي ارسل مساهمتك
طبعا في طرق تانيه بس زي ما قلت دي اسهل واحده

يلا يا جماعه..اللى مبعتش يبعت..قدامكو 3 ايام....والناس اللى دخلت وشافت الموضوع ومعرفتش تجاوب على الاسئله فنفضت معروفين
ياريت باقى الاعضاء يبعتوا ...و محدش ينفض عشان دي ملهاش معنى غير انه معرفش حاجه
شكرا للناس اللى بعتت ...ويارب العدد يكمل وكل الاعضاء الفعالين يبعتوا

لسه فاضل ناس مبعتتش.....فاضل 5 اعضاء مبعتوش يا جماعه من الناس الفعالين في المنتدى...ياريت يصحوا ويبعتوا...

انا بعت ياصحبى

يا مان انت بعت مرتين من غير ما تحس....بس برضو لسه في ناس نايمه... او مش نايمه ..دول بيشوفوا الموضوع وينفضوا

اشطة يا احمد انت جبت الاسئلة دى منين

ايه يا عمور انت مش عارف تحل ولا ايه