دعــــــــــــــاء جامد جدا..اللهم امين

يا جماعه بمناسبة شهر رمضان احب اهديكوا الدعاء ده عشان كلنا ندعيه في رمضان

اللهم انقذنا من نفسنة الزملاء وغباء الاصدقاء ومفاجات الاعداء واستبياع الجيل الجديد وحرائق السكه الحديد
اللهم ارحمنا من سذاجة محمود سعد وتنهدات اسامه منير وفواتير فودافون وموبينيل
اللهم اهدي لنا سواقين الميكروباص والموظفين الحكوميين وبتوع 140 دليل وشئون الطلبه والعاملين واللى بيقفوا وسط الشارع فجأه من غير مايدوا اشاره يمين
اللهم قنا شر الكليبات وكل شلة بنات ولؤم الستات وهيافة المجلات وقطع حرارة التليفونات والمدارس اللى بتطلب تبرعات واشتراكات الباصات ووقوع السريفر وقفل السيتات
اللهم سدد اقساطنا وضلل دائنينا وارزق بتوع جيل الوسط عقود عمل في ليبيا وقطر وافتح لجيلنا الطريق الفسيح خلينا ننضف البلد من المراجيح
اللهم احمنا من الاكتئاب مرض العصر واجعلها نضيفه شوارع مصر واكفنا شر اصحاب الدقون الكدابه والتصريحات النصابه وفرق شمل كل عصابه في اي حته في البلد وارزق كل بنت بولد وارزق كل ولد شقه وعربيه واحرق اللى اخترعوا الزيرو تسعميه واضرب الحراميه بالحراميه ونجح اي واحد في كلية حتى لو كانت كلية التربيه الموسيقيه
اللهم امين

آآآآآآآآآآآآآآآآآآآآآآآآآآآآآمين يا رب
حلوة اوى هههههههههههههههههههه
اعذرنى لو اتاخرت فى الرد لسه قرياه برضه

الله دعاء جميل جدا جدا
تسلم يا احمد

اللهم امين
الواحد مابيجيش فى دماغه الدعوات دى خالص مع انها مهمه اوووووووووى

شكرااااااااااااا...مع انه مكتوب بقاله شهرين
بس عاجبانى فكرة انكوا تبصوا عالمواضيع القديمه اللى مقروتهاش قبل كده لانها مكنتش واخده حقها خالص عشان مكنش فى حد كتير فى المنتدى
شكرا مره تانيه ليكوا

موضوع جميل يااحمد
وسوري اننا اتأخرنا في الرد عليه

العفو.....وبالعكس انا فرحان انكو رديتوا عالموضوع حتى لو متأخر
شكرا يا ايمان

ايه يا احمد انت مسبتش حاجة

ايه يا عمور لازم نقول اللى فى نفسنا برضو
ومعلش يا مان المره الجايه هبقى اسيبلك حبه....هههههههههه ...اوك
تسلم على ردك يا مان